Standard Operating Procedure (SOP) Finanseiru Fakuldade Engenharia - UNDIL

Definisaun:

Pedidu Desembolsu Orsamentu Atividade Terrenu nian maka forma aplikasaun ida ne'ebé maka halo hosi Departamentu ho koñesimentu hosi Dekanu Fakuldade nian ba Diresaun Finansas Universidade nian ne'ebé maka uza ba atividade sira iha terrenu hanesan Estájiu, Peskiza, Estudu iha Terrenu, nst. Iha ne'ebé antes ne'e estudante selu ona orsamentu liuhosi konta Universidade nian ho montante/ nominal ne'ebé maka determina ona antes hosi Departamentu.

 Rekizitu Jerál:

1. Submisaun halo wainhira iha aktividade terrenu.
2. Desizaun ba dezembolsu orsamentu atividade terrenu regula husi Diresaun Finansas Universidade Dili.
3. Submisaun ba desembolsu orsamentu atividade kampu halo husi Xefe Departamentu.
4. Kada submisaun orsamentu atividade kampu nian tenke ho koñesimentu hosi Dekanu Fakuldade nian.

Etapa Prosedimentu:

1. Depois estudante hotu-hotu iha semestre atuál selu ona orsamentu atividade kampu nian tuir regulamentu ne'ebé aplikavel, Xefe Departamentu presiza atu fó instrusaun ba administrasaun departamentu nian atu rejista dadus sira ne'ebé relasiona ho pagamentu orsamentu atividade kampu nian ne'ebé hala'o hosi estudante sira.
2. Dokumentu ne'ebé tenke hatama ba pedidu dezembolsu orsamentu atividade kampu nian maka kópia slip pagamentu banku husi estudante ida-idak.
3. Durante rekolla dadus, karik hetan katak iha estudante balun ne’ebé seidauk hatama kópia slip pagamentu husi banku, administrasaun departamentu presiza kontaktu estudante refere.
4. Depois rekolla dadus no rekolla dokumentu relasiona ho dezembolsu orsamentu atividade terrenu husi administrasaun departamentu remata ona, dokumentu relasionadu hotu-hotu hato’o ba Xefe Departamentu.
5. Xefe departamentu halo proposta kona-ba dezembolsu orsamentu atividade kampu nian, iha-ne’ebé proposta ne’e diriji ba Reitoria Universidade Dili nian.
6. Proposta submisaun desembolsu orsamentu atividade terrenu tenke asina husi Xefe Departamentu no Dekanu Fakuldade.
7. Hafoin proposta desembolsu orsamentu atividade terrenu remata ona, xefe departamentu tenke submete ba Dekanu Fakuldade hodi asina no karimbu ho Karimbu Fakuldade.
8. Hafoin proposta hotu-hotu ba submisaun dezembolsu orsamentu atividade terrenu prontu ona, Administrasaun Departamentu hatama proposta ba Sekretariadu Reitoria.
9. Prosesu tuir mai mak hein desizaun husi Reitoria no diresaun finansas. Departamentu bele halo akompañamentu ba proposta desembolsu orsamentu atividade kampu nian iha Sekretariadu Reitoria.
10. Karik proposta desembolsu kustu atividade terrenu simu no hetan aprovasaun ba dezembolsu, administrasaun departamentu bele konfirma proposta desembolsu orsamentu atividade terrenu ba Vise Reitór Asuntu Finansas ba prosesu dezembolsu fundu atividade terrenu.
11. Fundu atividade terrenu nian bele hasai no desembolsa husi diresaun finansas universidade nian.

Parte Relevante:

1. Administrasaun Departamentu
2. Xefe Departamentu
3. Dekanu Fakuldade
4. Sekretariadu Reitoria
5. Vice Reitor Asuntu Finansas
6. Diresaun Finansas

Dokumentus Nesesariu:

1. Proposta Desembolsu Orsamentu Atividade Terrenu
2. Slip Bankaria ba Pagamentu Atividade Terrenu