DETALHA ORSAMENTU ESTUDU FAKULDADE ENGENHARIA
Orsamentu Administrativu Universidade nian mak hanesan kustu ne'ebé determinadu no formuladu husi Universidade ne'ebé aplika ba estudante Universidade Dili hotu. Kustu hirak-ne'e inklui:
1. Orsamentu Semesteral.
Orsamentu Semesteral mak orsamentu administrativa ida-ne'ebé tenke selu husi estudante ativu hotu-hotu kada semestre atu ativa estatutu estudante ho montante $ 133.00 (dolar atus ida tolu-nulu resin tolu amerikanu). Provadu hosi banku nia reseita no legaliza hosi diresaun finanseiru Universidade Dili iha Kartaun Planu Registrasaun Hikas (KPRH).
2. Orsamentu Edifisiu.
Orsamentu Edifisiu mak orsamentu administrativa ne'ebé tenke selu husi estudante hotu-hotu ne'ebé foin rejistu hanesan estudante ativu iha Universidade Dili ho kustu $ 220.00 (dolar atus rua rua-nulu amerikanu), iha ne'ebé orsamentu Edifisiu selu de'it dala ida bainhira estudante ne'e estuda iha Universidade Dili. Provadu hosi banku nia reseita no legaliza hosi diresaun finanseiru Universidade Dili iha kartaun KPRH.
3. Orsamentu Monografia.
Orsamentu Monografia ne'e hanesan orsamentu administrativa ne'ebé tenke selu husi estudante finalista sira ne'ebé kumpre ona rekizitu atu hakerek monografia tuir padraun kurríkulu aplikavel. Orsamentu Monografia ne'e hamutuk $350.00 (dolar atus tolu lima nulu amerikanu) no provadu hosi banku nia reseita no legaliza hosi diresaun finanseiru Universidade Dili iha kartaun KPRH
4. Orsamentu Graduasaun.
Orsamentu Graduasaun mak orsamentu ne'ebé tenke selu husi kandidatu graduadu/estudante finál sira ne'ebé kumpre ona rekizitu atu partisipa iha serimónia graduasaun iha Tinan Akademiku ida. Montante husi orsamentu Graduasaun ne'e regula husi Universidade Dili iha forma sirkular ofisiál husi diresaun reitoriadu no finansas.
5. Orsamentu Servisu Komunitaria.
Orsamentu Servisu Komunitaria (SK) mak orsamentu ne'ebé tenke selu husi estudante sira ne'ebé kumpre ona rekizitu atu partisipa iha atividade SK. Montante husi orsamentu SK ne'e regula husi organizador atividade SK bazeia ba nesesidade no kalkulasaun husi atividade sira ne'ebé atu hala'o.
6. Orsamentu Lisensa Akademiku / Cuti
Orsamentu Lisensa Akademiku / Cuti maka orsamentu ne'ebé tenke selu husi estudante ativu sira ne'ebé sei husu lisensa ba períodu mínimu semestre 1. Montante orsamentu ba lisensa akademiku /cuti ne'e regula husi Universidade Dili iha forma sirkular ofisiál husi Reitoriadu no diresaun finansas.
Orsamentu Administrativu Fakuldade maka kustu/ orsamentu ne’ebe deside no determina husi kada departamentu ne’ebe aprova husi Fakuldade Engenharia no hetan kunhesementu husi Universidade. Kustu refere maka hanesan tuir mai:
1. Orsamentu Pratika
Orsamentu pratika mak orsamentu ne'ebé tenke selu husi estudante ativu sira kada departamentu iha Fakuldade Engenharia nia okos. Mekanizmu no montante Pagamentu Orsamentu pratika ne'e regula husi Xefe Departamentu ho aprova husi Dekanu Fakuldade no hetan kunhesementu husi Reitoria Universidade Dili. Iha modelu pagamentu 2 ba Orsamentu pratika iha Fakuldade Engenharia, hanesan pagamentu kada semestre no pagamentu ba semestre ne'ebé prátika ba.
Orsamentu Pratika kada Semestre:
- Departamentu Engenharia Informatika : $ 60,00 / Semestre
- Departamentu Engnharia Geological : $ 70,00 / Semestre
Orsamentu Pratika wainhira hala’o pratika:
- Departamentu Engenharia Industrial : $ 75,00
- Departamentu Engenharia Petroleo : Kustu sei selu tuir nesesidade no kalkulasaun atividade pratika (Atividade iha aulas laran / iha terenu)
2. Orsamentu Estagio.
Orsamentu Estagio mak orsamentu ne'ebé tenke selu husi estudante sira ne'ebé hakarak no kumpre ona rekizitu atu partisipa iha atividade Estagio. Montante orsamentu estagio nian regula no deside husi kada departamentu liu husi kalkulasaun kustu operasionál durante atividade.
3. Orsamentu Yudisium
Orsamentu Yudisium mak orsamentu ne'ebé tenke selu husi finalista/estudante sira ne'ebé hetan deklarasaun atu tuir graduasaun. Montante Orsamentu Yudisium ne'e sei determina bazeia ba desizaun konjunta entre komisaun organizadora Yudisium Fakuldade ne'ebé nomeia husi Dekanu Fakuldade Engenharia no estudante sira ne'ebé partisipa iha yudisium no bazeia ba nesesidade no kalkulasaun atividade yudisium no hetan aprovasaun husi Dekanu Fakuldade Engenharia.
4. Orsamentu Transkrisaun Valor
Orsamentu Transkrisaun Valor mak orsamentu ne'ebé tenke selu husi estudante sira ne'ebé graduadu ona husi Universidade Dili. Kustu ba produsaun Transkrisaun Valor ida mak $5.00 (Dolar amerikanu lima) ne'ebé prodús de'it dala ida. Se iha mudansa iha futuru, fakuldade sei fó de'it deklarasaun hanesan introdusaun ba mudansa iha Transkrisaun Valor.
5. Kustu Seluk
Kustu seluk mak opsaun administrativu no kustu apoiu ne'ebé Fakuldade impoin ba estudante sira iha departamentu ida-idak ne’ebe hamahon a’an iha Fakuldade Engenharia. Kustu hirak-ne'e inklui produsaun karta ativu estudante nian, karta lisensa estudante nian, karta deklarasaun, karta pedidu peskiza nian, karta pedidu subsídiu / asisténsia eskolarizasaun nian, etc. Ba karta ida-idak ne'ebé fó sai ho marka no karimbu fakuldade nian, sei selu orsamentu administrativa $1 (dolar amerikanu ida), osan ne'e sei uza nu'udar osan / kofre fakuldade nian hodi responde ba nesesidade administrativa fakuldade nian iha futuru ne'ebé sei prova iha relatóriu anuál finanseiru.