Standard Operating Procedure (SOP) Finanseiru Fakuldade Engenharia - UNDIL

Definisaun:

Pagamentu ba Orientador & Examinador Monografia maka forma submisaun ida ne'ebé halo hosi Fakuldade no koordenasaun ho departamentu kona-ba pagamentu ba direitu finanseiru sira hosi Orientador & Examinador Monografia no diriji ba diresaun finansas Universidade nian atu nune'e direitu hotu-hotu hosi Orientador & Examinador Monografia bele simu ho di'ak hafoin orientasaun, ezame no prosesu administrativu hotu-hotu husi estudante sira ne’ebé hetan supervizaun no ezame kompletu ona ho komprovativu simu pagamentu ba monografia ne’ebé selu hotu ona.

Rekizitu Jerál:

1. Pagamentu ba Orientador & Examinador Monografia sira regula husi Fakuldade.
2. Submisaun naran Orientador & Examinador Monografia hala’o husi Xefe Departamentu ba Dekanu Fakuldade.
3. Prosesu atu selu orsamentu pagamentu ba Orientador & Examinador Monografia maka regula hosi Diresaun Finansas Universidade nian.
4. Orientador & Examinador Monografia sira ne’ebé iha direitu ba pagamentu mak Orientador & Examinador Monografia sira ne’ebé kompleta ona sira-nia obrigasaun nu’udar Orientador & Examinador Monografia ba estudante sira.
5. Orientador & Examinador Monografia ne’ebé lejítimu mak Orientador & Examinador Monografia ne’ebé lista iha Akta Ezame Teze no karta desizaun ba nomeia Orientador & Examinador Monografia.

Etapa Prosedimentu:

1. Depois estudante halo pagamentu kompletu ba orsamentu monografia no liu ona ezame monografia, Administrasaun Departamentu tenke rekolla dokumentu sira ne'ebé iha relasaun.
2. Administrasaun tenke relata dokumentu kompletu hotu husi Orientador & Examinador Monografia nian ba xefe departamentu.
3. Xefe Departamentu halo verifikasaun ba Orientador & Examinador Monografia nia naran molok hato’o ba Dekanu Fakuldade.
4. Hafoin dokumentu husi Orientador & Examinador Monografia nian hato’o ona ba Dekanu Fakuldade, Dekanu Fakuldade sei halo Proposta Desembolsu orsamentu Pagamentu ba Orientador & Examinador Monografia nian ba Diresaun Finansas liuhosi Sekretariadu Reitoria.
5. Proposta desembolsu orsamentu pagamentu ba Orientador & Examinador Monografia ne’ebé halo husi Dekanu Fakuldade tenke iha lista Orientador & Examinador Monografia, estudante sira ne’ebé superviziona no ezamina hela, montante orsamentu pagamentu, kópia KPRH, kópia Slip Bankaria no kópia Karta Livre Dever.
6. Hafoin Proposta ba pagamentu orsamentu pagamentu ba Orientador & Examinador Monografia sira simu no hetan aprovasaun hosi Departamentu Finansas, Fakuldade presiza atu halo akompañamentu ba proposta pagamentu nian.
7. Fundus pagamentu sei simu husi Administrasaun Fakuldade direitamente iha Diresaun Finansas.
8. Tuir mai, Fakuldade submete orsamentu pagamentu ba Orientador & Examinador Monografia nian ba Administrasaun Departamentu ne’ebé akompanha husi Xefe Departamentu.
9. Hafoin fundu pagamentu sira simu husi Departamentu, Xefe Departamentu no administrasaun Departamentu nian obriga atu halo pagamentu ba Orientador & Examinador Monografia sira tuir lista ne'ebé iha.
10. Hafoin prosesu pagamentu remata, komprovativu lista pagamentu tenke submete fali ba Fakuldade hanesan dokumentasaun komprovativa pagamentu.
11. Administrasaun departamentu presiza halo kopia prova pagamentu hanesan dokumentasaun iha nivel departamentu.

Parte Relevante:

1. Dosente
2. Administrasaun Departamentu
3. Xefe Departamentu
4. Dekanu Fakuldade
5. Diresaun Finansas

Dokumentus Nesesariu:

1. Proposta Pagamentu ba Orientador & Examinador Monografia
2. Akta Exame Monografia
3. Karta Nomeasaun Dosente Orientador Monografia
4. Slip Bankaria Pagamentu Monografia husi Estudante
5. Kopia Karta Livre Dever
6. Kopia KPRH