Standard Operating Procedure (SOP) Administrativu Fakuldade Engenharia - UNDIL

Definisaun:

Dosente Parte Tempu maka dosente sira ne'ebé serbisu tempu-parsiál no iha estatutu nu'udar pesoál hanorin semestre nian iha unidade ensinu superiór balu. Nomeasaun ba dosente Parte Tempu hanesan atividade rekrutamentu ba dosente sira ne’ebé servisu Parte Tempu hanesan pesoál dosente semestre iha unidade ensinu superiór balun. Dosente Parte Tempu sira sei prezente de'it iha ensinu superiór bainhira iha oráriu ensinu nian no atividade administrativu sira seluk.

Rekizitu Jerál:

1. Dosente sira ne'ebé atu sai Dosente Parte Tempu tenke saudavel fíziku no espirituál
2. Dosente Parte Tempu sira tenke livre hosi aktu kriminál sira
3. Iha grau akadémiku mínimu Mestradu.
4. Iha esperiénsia hanorin mínimu tinan 2.

Etapa Prosedimentu:

1. Xefe Departamentu propoin ka husu rekrutamentu ba dosente Parte Tempu tuir klasifikasaun ne’ebé presiza ba Dekanu Fakuldade.
2. Dekanu Fakuldade koordena ho Xefe Departamentu hodi hala'o rekrutamentu nakloke ba dosente Parte Tempu nian hosi mídia massa no mídia imprime no eletróniku.
3. Dosente Parte Tempu hatama dokumentu aplikasaun hotu ba Xefe Departamentu.
4. Xefe Departamentu halo koordenasaun ho Dekanu Fakuldade kona-ba prospetiva dosente Parte Tempu ne’ebé hili tuir nesesidade no kritériu ne’ebé iha.
5. Dekanu Fakuldade halo karta kontratu traballu ba dosente Parte Tempu ne’ebé asina husi parte 3 mak hanesan Dekanu Fakuldade, Xefe Departamentu no Dosente Parte Tempu.
6. Karik dosente ne’ebé iha interese konkorda no asina kontratu traballu, dosente ne’ebé iha interese hetan lisensa atu hala’o prosesu ensinu iha departamentu ne’ebé iha interese.
7. Karik dosente refere la asina ka rekuza atu asina kontratu traballu, nia sei la hetan lisensa atu hala’o prosesu hanorin iha departamentu refere.

Parte Relevante:

1. Kandidatu Dosente
2. Xefe Departamentu
3. Dekanu Fakuldade

Dokumentus Nesesariu:

1. CV / Curriculum Vitae
2. Fotokopia Diploma Legalizadu
3. Fotokopia Transkrisaun Valor Legalizadu
4. Karta Aplikasaun Servisu
5. Eleitoral / BI
6. Fotokopia Sertifikadu Abilidade