Standard Operating Procedure (SOP) Administrativu Fakuldade Engenharia - UNDIL

Definisaun:

Docente Orientador Monografia maka dosente ida ne'ebé nomeia hosi Dekanu Fakuldade bazeia ba rekomendasaun Xefe departamentu nian hodi tulun estudante sira hodi kompleta sira nia monografia, fó orientasaun no fó valór ba monografia nian iha momentu sesaun monografia nian.

Rekizitu Jerál:

1. Dosente permanente iha departamentu sira iha Fakuldade Engenharia nia okos
2. Dosente parte tempu ne'ebé hetan fiar iha departamentu sira iha Fakuldade Engenharia nia okos
3. Dosente permanente ka part-time ne’ebé saudavel fíziku no espirituál.
4. Iha kualifikasaun akadémika ne’ebé di’ak no linear ho topiku monografia.

Etapa Prosedimentu:

1. Xefe Departamentu identifika kandidatu dosente orientador monografia sira tuir títulu monografia ne'ebé hatama hosi estudante.
2. Xefe Departamentu hato’o Orientador na’in 2 (I no II) ba Administrasaun Departamentu hodi halo karta desizaun ba nomeasaun dosente orientador monografia nian.
3. Karta desizaun ba nomeasaun dosente orientador monografia nian hato’o ba Dekanu Fakuldade hodi halo legalizasaun no nomeasaun.
4. Dekanu Fakuldade halo koordenasaun fila-fali ho xefe departamentu kona-ba dosente ne’ebé sei nomeia nu’udar dosente orientador monografia.
5. Dekanu Fakuldade determina no nomeia dosente orientador monografia (I no II).
6. Administrasaun departamentu submete karta desizaun kona-ba nomeasaun dosente orientador monografia nian ba dosente relevante.
7. Dosente sira ne’ebé hetan nomeasaun nu’udar dosente orientador monografia iha obrigasaun atu orienta estudante sira kona-ba teze ne’ebé estudante hakerek husi inísiu to’o remata.

Parte Relevante:

1. Dosente Permanante / Parte Tempu
2. Administrasaun Departamentu.
3. Xefe Departamentu
4. Dekanu Fakuldade

Dokumentus Nesesariu:

1. Despacho Nomeasaun Docente Orientador Monografia.